平時搭小巴,司機都未必睇得清楚後排仲有無空位,導致唔少誤會發生。運輸署今日開始,分階段喺8條專線小巴路線進行概念驗證試驗,測試偵測小巴座位佔用狀況以及乘客有無佩戴安全帶嘅技術。

8條專線小巴路線包括:港島36、51、54M、56同58號線;九龍27M號線;新界20C同403號線。每條路線都會有一部專線小巴參與試驗,預計明年第一季完成。

喺今次測試中,運輸署會測試以薄膜壓力開關同紅外線傳感器兩個方案,偵測座位佔用狀況,亦會以干簧管傳感器同霍爾傳感器偵測乘客有無佩戴安全帶。此外,系統會將座位佔用狀況以及乘客佩戴安全帶狀況,透過發光二極管顯示燈同液晶顯示屏,顯示俾司機同乘客得悉。運輸署表示,會視乎技術研究結果,考慮將技術方案推廣至其他專線小巴,以及應用喺其他公共交通工具。

原圖:大公報