本港新冠疫情總算得到紓緩,大家可以出外唞唞氣,再次進入大自然嘅懷抱啦。而關閉咗一段時間嘅嘉道理農場最近亦已經重開,呢度仲有多個森林,一於趁住仲有兩日假期,嚟呢度進行「森林浴」,釋放一下身心啦!

放慢腳步去感受

嘉道理農場暨植物園佔地143公頃,包括多個森林,設有多條生態徑,貫穿上山區和下山區內多個景點沿途有多種原生植物,景色隨四季變化萬千,大家可以按照自己嘅能力同興趣,挑選唔同嘅路線。

如果你係初哥,建議喺下山區隨意漫步,喺樹下慢慢享受片刻嘅寧靜,而喺樹林旁邊仲月一間藝舍,現時正舉行《日出日樂——一場與大自然的對話》展覽,透過畫家劉妍汶嘅作品,你會對大自然有更進一步嘅感受。

劉妍汶同時亦係嘉道理農場藝術教育主任,主要工作地點就係藝舍,佢對身邊嘅森林感受極深:「藝舍就嘉道理農場下山區,其實我們背面就是大帽山,有個種咗好多本土樹木森林,呢度有流水,有唔同嘅樹種,跟外面嘅好唔同。」佢又話:「喜歡小草,當你停落嚟睇住佢將佢畫出來,其實就是有把聲音跟你說,呢個就係希望。

走進本土森林

假如想更上一層樓,就可以向上山區進發,不但較多自然美景,視野亦更佳,其中喺紀念亭或觀音山,仲可以遠眺新界、深圳同蛇口景色添。

呢度仲有一個植樹區,係嘉道理農場嘅新計劃。據嘉道理農場暨植物園夥伴拓展部主管王灝鳴博士(Michael)表示:「呢次係一個實驗,全世界未試過,我哋喺上山區劃出1公頃地,將整塊地分成一百棵樹,用電腦做出唔同嘅組合,再看出邊個組合最成功,不斷try and error。」佢又話「呢個計劃早喺2005年已經開始構思,事緣200412月,大帽山發生山火,很多樹木被燒毀,大家思考點樣重新植林,開始有新想法,目標係種植一個多元化嘅森林。」原來喺1950年代,呢一帶嘅山坡上幾乎見到樹木,之後幾十年間,佢哋種植大量果樹速生樹種,包括台灣相思、澳洲堅果、龍眼、荔枝波羅蜜等,時至今日,以單一種植方法梯田種非本地果樹幾乎成為密不透風灌叢,濃密樹蔭令幼苗不能成長由於地表缺少植被覆蓋,土壤流失嚴重;而樹木亦開始老化,好多樹木狀況危險,樹枝隨時跌落

Michael又表示:「今次呢個植樹區希望做到科學化、品種多元化,有高樹、中等樹同林,亦想種植本土植物,因為本土樹木嘅適合本土動物,可以造成一個生態環境。」

生態價值提高

促進老樹移除後樹種恢復,嘉道理農場喺上山區栽種大量樹苗,主要範圍包括靜心徑、世界城市指示牌、觀音山嘉道理兄弟紀念亭等。樹種主要為中海拔森林有代表性本土種,如鵝掌柴、嶺南山竹子、絹毛杜英、杜英、紅鱗蒲桃、南酸棗、黃桐等。

不過種植過程並非一帆風順,Michael表示:「開始時,生長率唔係太高,樹苗脆弱,承受唔到風吹雨打或惡劣環境,現時每棟樹苗都有保護罩,既減低天氣嘅影響,動物亦食唔到。而且我哋發現透光度唔同會有唔同影響,有啲需要多啲光,有啲唔需要,我哋會因應植物品種進行調節。」

經過樹藝師、生態學家、園藝師等努力,山坡開始逐漸轉變為由本土種組成森林,生態價值不斷提高。Michael表示:「現時部分樹木已生長到10呎高,大家嚟呢度之前,會經過一個非原生森林,你會覺得比較靜,當接近植林區,就會發現愈近愈多聲,會聽到雀鳥黃麖嘅叫音,因為多元化森林能夠吸引好多動物。」

假如你都想到上山區享受「森林浴」,只要喺凌宵徑乘坐穿梭巴士,喺嘉道理兄紀念亭站落車,大約步行20分鐘就可以到達。

首推「大自然之友」計劃

另外,嘉道理農場暨植物園首度推出「大自然之友」全年會員計劃(入會年費個人會員HK$200、四人家庭會員HK$750成為「大自然之友」之後,會員可享用多項福利,包括全年無限次免費入園、優先預定課程並享有折扣,受邀參加會員獨家活動和農場小賣部購物優惠,亦可到綠匯學苑使用購物和餐飲優惠大家可到以下申請www.kfbg.org/tc/membership-page)。

圖片來源:LOOOP.HK嘉道理農場暨植物園


如果你係初哥,建議喺下山區隨意漫步。

下山區交通比較方便,山徑亦好易行,可以喺樹下慢慢享受片刻嘅寧靜。


嘉道理農場藝術教育主任劉妍汶對身邊嘅森林感受極深。


樹林旁邊仲有一間藝舍,現時正舉行《日出日樂——一場與大自然的對話》展覽。


上山區有一個植樹區,係嘉道理農場嘅新計劃。


每棵樹苗都已標記並安裝了護樹網,定期監測直徑和高度。


除咗植樹區,上山區仲有好有其他景點,包括蘭花保育園(右)及葛先生花園。


喺觀音山可以遠眺新界、深圳同蛇口景色添。


呢度物種非常豐富,包括香港湍蛙、紫嘯鶇及紫灰錦蛇等。


嘉道理農場暨植物園夥伴拓展部主管王灝鳴博士(Michael)表示,植林區希望做到科學化、品種多元化,種植本土植物。」


嘉道理農場暨植物園首度推出「大自然之友」全年會員計劃。