受新冠疫情同天氣不穩定等因素影響,香港紅十字會輸血服務中心網頁數據顯示,喺28號只得660人登記捐血,較每日1100人嘅目標低,而O型、A型同B型血嘅血庫存量亦低。為咗鼓勵大家喺之後嘅4日長假踴躍捐血,只要喺即日起到10月4號成功捐血嘅市民,即可獲贈一個「I'm a blood donor」牛仔布保溫袋。如果大家放假無乜嘢做嘅話,不妨抽啲時間去捐血,以確保病人有足夠血液做適切嘅輸血治療。

大部分捐血站喺國慶同中秋長假期間亦會照常開放,市民亦可致電俾各捐血站,或透過手機應用程式「HK Blood」預約捐血,減少等候時間,避免人群聚集。

圖:香港紅十字會網頁