港鐵屯馬綫至今仍未全面開通,不過「單車屯馬綫」今日就開通咗喇!​土木工程拓展署尋日宣布,元朗至上水新單車徑已經完工,並且喺今日開始開放俾公眾使用,意味住全長60公里、由屯門至馬鞍山嘅新界單車徑網絡已經落成,預計6小時可以完成路程。

元朗至上水新單車徑全長11公里,途經元朗錦田河同上水塱原濕地等等。至於上水至馬鞍山段,以及屯門至元朗段,已經分別喺2014年及2016年開通,連接新開嘅元朗至上水單車徑,合共長達60公里,讓市民留夠由屯門踩單車去到馬鞍山,中途路經元朗、上水、粉嶺、大埔、沙田多區。

此外另一條荃灣至屯門單車徑亦將係興建當中,預計明年年初開放,到時就更方便市民踩單車遊走各區。

原圖:FB@政府新聞網