投身社會之後,都唔好忘記進修,以保持競爭力。教育局局長楊潤雄尋日(28日)出席香港銀行家峰會時提到,教育局上月批准香港銀行學會,喺資歷架構下發出9種資歷文憑,包括頒發銀行專業會士、認可反洗錢專業人員等9類資歷,相信可以鼓勵業界從業員繼續學習、提升自己。

楊潤雄表示,銀行業對香港鞏固國際金融中心地位,以及保持經濟競爭力非常重要。佢又提到,資歷架構框架讓唔同行業人士就行業發展同教育方向提供意見,而銀行業多年嚟都協助銀行、專業團體同其他培訓機構,開展課程滿足行業需求。

楊潤雄讚揚銀行業界喺唔同社會及經濟挑戰中,為香港嘅成功付出巨大貢獻,相信批准香港銀行學會發出資歷文憑,可鼓勵到從業員繼續學習、提升自己,並吸引更多新血加入。

原圖:RTHK