癌症嘅致命率高,如果可以及早發現治療,就能夠挽救無數生命。香港城市大學同中國科學院沈陽自動化研究所、中國醫科大學附屬第一醫院合作,最近喺國際期刊《科學進展》上發表咗一篇題為「運用光學致電動力將腹水及腹腔灌洗的癌細胞檢測及分隔」嘅研究,指團隊研發出檢測胃癌嘅新方法,可以喺幾分鐘內驗出胃癌細胞,且比傳統檢測方法更準確。

呢項研究由城大機械工程學系教授兼協理學務副校長(大學策略)李文榮教授領導,研究團隊研發出嘅檢測胃癌新方法,係運用新嘅光學致電動力微流控技術,將癌細胞由患者嘅胃分隔。由於現行嘅檢測方法其靈敏度不足以搵出惡性細胞,所以較難診斷出胃癌,而新方法可加強檢測癌細胞電子特性嘅靈敏度。呢項新檢測技術嘅最大優勝之處就係快捷、非入侵性,只需五分鐘就可以喺光學致電動力微流控芯片上分隔出胃癌細胞。李文榮表示:「我們希望這研究能加快胃癌診斷,挽救更多性命。」

圖:香港城市大學