想喺香港買塊地已經好難,更何況喺上到去月球買?但巴基斯坦有個男人真係買到月球上嘅一塊地,作為送俾妻子嘅結婚聘禮,而呢塊地嘅價格竟然平到你唔信,更有機會喺月球上同知名人士湯告魯斯等做「鄰居」添~ 

23歲嘅巴基斯坦男子Sohaib Ahmed受已故女星Sushant Singh Rajput啟發,決定喺月球「蒸汽海」(Sea of Vapour)區域,買一塊面積約43511呎嘅地送俾妻子。而呢塊地嘅價格只需要45美金(約348港幣),就有一張精美雕刻嘅月球契約,仲有衛星相同詳細說明嘅地理位置資訊表。Sohaib嘅妻子收到呢份咁特別嘅禮物之後都相當驚喜,其他親友表示唔信,但當佢哋見到呢張「月球地契證明」之後,有準新娘就希望未婚夫都可以送佢一塊月亮土地。

圖:網上圖片