一年容易又中秋,今次錯啦,過去一年都真係唔易過!經過超過兩個月,本港新冠肺炎第三波疫情總算得到紓緩,又正好碰上中秋節長假,相信大家更加珍惜呢個人月兩團圓嘅日子。香港多個地方都會喺中秋期間舉行市集,等大家可以暫時忘記啲煩惱事。不過大家都要記住緊守一連串防疫措施,咁就可以玩得放心又盡興啦!

負能量市集 負負得正

相信近期香港人都累積咗唔少「負能量」,由101日至4日,位於美孚旁邊嘅饒宗頤文化館,會一連4天舉行「負能量市集2.0 - 負負得正」。呢個市集以「負能量」做主題,就係因為眼見近期香港人累積咗唔少「負能量」,或者大家都有窒息嘅感覺,所以提供一個地方俾大家盡情宣洩一下。

呢個市集除咗有「市集區」,仲有個「負能量展覽2.0 - 小不幸」展覽,係大會之前收集嘅市民不幸或負能量事件,大約有400則投稿。其他活動仲包括「負能量考試區」、「負能量運動會」及「負能量告解區」、「負能量主題扭蛋機」等等,將「負能量」釋放出來,你會發覺負負就會得正啦!

市集亦適逢饒宗頤文化館每年一度開放日,埸內除咗有巨型月兔同月亮裝置之外,主辦單位仲請嚟多位港台手工藝匠單位參與活動,包括手作市集、手工食品及工藝及親子工作坊等。

日期:2020101日至4

時間:下午2時至下午8

地點:香港九龍青山道800號饒宗頤文化館

秋日文化祭 感受日本情懷

至於D2 Place就會舉行「麥田捕手假日市集 - 秋日文化祭2020」,慶祝中秋之餘,今年嘅「秋日文化祭」仲滿足一下大家去旅遊嘅心癮,參照日式祭典文化,打造一個充滿和風特色嘅市集!

今次中秋市集,邀請到80個本地手作及設計品牌,集合過千款工藝品,包括日式陶藝、天然手工皂、手作月球燈等等。市集期間,仲有多個小食攤位,提供日式小食,包括玉子燒、章魚小丸子、大阪燒及關東煮等等。既然係日本祭典,又點少得浴衣,市集將會提供浴衣租用服務,加上D2 Place一期及二期天台花園新增多個打卡點,包括日本烏居燈籠牆、滿月、新月及水燈等,大家可將願望寫上水燈,放進池內隨水飄浮,更可以着住浴衣影相留念。

日期:2020101日至104

時間:下午1時至下午9

地點:荔枝角 D2 Place ONE 2/F The Space

相片來源:FB@饒宗頤文化館、D2 Place


饒宗頤文化館將會喺中秋期間舉行「負能量市集2.0 - 負負得正」。


中秋長假期間,饒宗頤文化館亦會舉行一年一度嘅開放日。


D2 Place會舉行「麥田捕手假日市集 - 秋日文化祭2020」。

趁住4日長假逛市集,盡情唞唞氣,壓力都減輕啲啦!