隨住時代進步,街上都多咗人紋身,而紋身亦逐漸成為一種藝術。有一位日本女仔年紀輕輕,就已經成為一位紋身師,仲有客人專誠想紋佢設計嘅圖案添。

今年11歲嘅日本女仔Noko,爸爸係一位著名嘅紋身師,Noko自小就睇住爸爸工作,因此對紋身產生濃厚興趣,佢嘅成長過程就係畫圖同練習紋身。不過喺日本,紋身仍然係不太為人接受,Noko爸爸希望去較自由開放嘅地方工作,同讓Noko接受較自由嘅教育,於是4年前佢哋一家就由日本大阪搬到荷蘭阿姆斯特丹居住。

現時佢哋喺荷蘭居住,Noko就可以自由發展紋身呢項興趣,並且喺父親嘅指導下不斷練習,現時只要唔影響學業,逢週六都會幫客人做紋身。

原圖:IG@noko_tattoo