雖然香港近日新冠肺炎疫情有所緩和,但仍然唔可以鬆懈,特區政府喺中央政府支持下,喺亞洲國際博覽館(亞博館)旁籌建臨時醫院,以應對未來疫情變化帶嚟嘅挑戰。發展局局長黃偉綸喺網誌表示,期望臨時醫院會喺4個月建成。

黃偉綸表示,亞博館旁嘅臨時醫院項目會採用「組裝合成」(MiC)建築技術興建,期望4個月內建成,落成後可提供容納超過800張病床嘅負氣壓病房和相關醫療設施。

黃偉綸又表示,地盤正進行前期工作,承建商同建築署、醫管局及其他政府部門緊密溝通、進一步改善設計圖紙,確保組件設計符合香港法例要求、消防安全標準等,而內地廠房亦會陸續開始生產模組。

黃偉綸解釋,為咗令香港日後有能力應付突如其來嘅疫情,有需要加強社區治療設施同建造臨時醫院,佢感謝中央政府支援香港抗疫,而政府亦會繼續努力,推動多項防疫工作。

原圖:RTHK、發展局