原定今年2月舉行嘅「香港藝術節@大館」節目,因為新冠肺炎疫情關係,無法舉行。不過最近就有好消息,香港藝術節行政總監何嘉坤女士早前宣布,「香港藝術節@大館」7個節目將於下個月10日同11日移師至Facebook專頁舉行,亦係「第48屆香港藝術節」第一輪重新推出嘅節目。到時大家可以透過網上直播,欣賞原本喺2月舉行嘅節目。

呢7個節目包括表演藝術團體「藝術共融」《米羅實驗室》、芬蘭著名編舞漢娜波洛翠蕾絲《小心輕放 創作進行中》、黃靜婷《人圖》、比利時藝團「現場作業」《尋窿探罅》、葡萄牙編舞麗塔韋漢娜《倒行逆「思」》、音域藝術家葉破《音域沐浴》、兩位香港舞者李拓坤同李匡翹《卡》。

原圖:FB@HKAF at Tai Kwun