中秋就快到,難得新冠疫情逐漸退卻,大家可以較安心咁出外賞月啦!不過,喺鬧市賞月又怕人多,去郊外賞月又怕舟車勞頓,有無兩全其美嘅選擇?有,去嘉頓山啦!

深水埗站出發

嘉頓山又名喃嘸山位於深水埗區,僅高90.6米,只一個小山丘,由於山下就係著名嘅深水埗地標——嘉頓麵包廠房,於是大家都俗稱為「嘉頓山」。

想要去嘉頓山,只要喺深水埗站D2出口出,沿桂林街一直行,嚟到巴域街嘅美荷樓,喺美荷樓旁邊有條晨運徑,拾級而上就可以到達,全程唔使半個鐘,真係超方便。呢條晨運徑大400,而且工整寬敞,相當易行,就算係行山初哥都應付得到

視野廣闊

大家沿石級一路行,就會發現視野越來越廣闊,嚟到山頂,更遠離塵囂感覺。喺山可以俯瞰深水埗石硤尾一帶嘅公屋,仲可以遠眺昂船洲大橋,亦係欣賞日落同夜景熱點之一,所以嚟呢度賞月,氣氛肯定一流不過提提大家,沿途並無街燈,想嚟呢度睇日落或賞月,就記住帶備電筒

圖:LOOOP.HK


喺嘉頓山上,可以俯瞰深水埗嘅美景。


視野非常廣闊,有種遠離繁囂嘅感覺。

山下就係深水埗地標嘉頓麵包廠啦!


亦可以望到前北九龍裁判法院。

喺山嘅另一邊,就可以望到石硤尾嘅公共房屋。

山上嘅夜景亦係超靚!


嘉頓山又名喃嘸山,位於深水埗區,僅高90.6米,只係一個小山丘。


由深水埗站出發,大約30分鐘就可以上到嘉頓山啦!


由深水埗站D2出口出(A),沿桂林街一直行,穿過大埔道/白田街遊樂場(B)。


嚟到巴域街(C),會喺美荷樓美荷樓旁邊有條路(D),穿過呢條路,就會發現一條樓梯(E)。


跟住就會發現上山嘅路(F),之後而上就得啦(G)!


途中有個觀景嘅小平地(H),可以喺度俯瞰深水埗嘅美景。


跟住再繼續沿路上(I),好快就嚟到山頂(J)。