喺美國,一位50歲、患有罕見疾病軟腦膜癌嘅男子沙利文(Scott Sullivan),只剩返幾個月壽命,而佢嘅遺願就係希望可以睇到兒子嘅美式足球賽季揭幕戰,但奈何醫院同學校嘅車程長達七、八個鐘,但最終喺護理師漢弗萊(Jerree Humphrey)協助下,搵到有心人駕駛私人嘅小型飛機載沙利文去睇球賽,達成佢嘅心願。

漢弗萊表示,50歲嘅沙利文只係剩返幾個月壽命,而佢嘅頭號心願就係希望可以到場觀賞17歲、讀緊高中兒子嘅美式足球賽季揭幕戰,但醫院同學校嘅車程長達七、八個鐘。沙利文講笑咁問漢弗萊「你後院有直升機嗎?」

漢弗萊雖然無直升機,但聽見沙利文咁講,佢就透過一位喺機場工作嘅朋友,聯絡到一位有私人小型飛機嘅牙醫布魯梅特(Denny Brummett),願意載沙利文去睇比賽。

沙利文唔敢相信呢個消息,仲再三問漢弗萊係咪講真,而漢弗萊亦都好感恩自己可以幫到手。比賽當日,沙利文兒子比賽結束後跑向爸爸同佢擁抱,漢弗萊形容呢一幕係世界上最美好嘅事,會感動到忍唔住落淚。

原圖:Twitter@JacquelineMNie