新冠肺炎疫情改變咗大家嘅生活,大家都諗盡辦法,減少社交接觸及接觸公共設施。喺日本,有公司就研發出全息空氣投影觸控屏幕,希望取代實體觸控屏幕,減低病毒傳播風險。

全息空氣投影觸控屏幕由日本博報堂製品有限公司研發,運用幾何光學喺空中形容光速圖像,配合動態感應器、視頻監控器、小型PC等等,追蹤用家嘅手指或者觸控筆嘅移動,嚟進行互動操作。博報堂現時將呢項技術,主力開拓喺銀行、醫院、餐廳、圖書館同書店等等終端服務方面嘅應用,相信日後喺日本旅行都會見到呢類觸控屏幕。

博報堂坦言,空氣投影觸控技術本來係諗住用以娛樂為目的而開發,但自從新冠肺炎疫情爆發,對非接觸式嘅需要大大增加,公司就開始著手將呢項技術應用喺商業、自助客戶服務等用途。

原圖:h-products