新冠肺炎疫情仍然持續,喺限聚令底下,唔少餐飲業嘅生意大減,有啲甚至要停業、結業。歌手張敬軒經營嘅餐廳亦受疫情影響,被逼停業差唔多兩個月,不過佢就堅決唔炒員工,大家一齊共度時艱。

張敬軒表示,疫情影響全世界,好在一班同事都好好,一齊配合政府嘅抗疫政策去做。而張敬軒早前因限聚令而停業約兩個月嘅餐廳,好彩得到業主提供嘅優惠,而佢亦無裁員,決定同員工共度時艱。

圖:FB@張敬軒、JUNON仙后餐廳