退休係人生中一個好重要嘅里程碑,所以唔少人退休嗰陣都會收到退休禮物,但英國有位汽車保險公司總裁David Stevens就喺準備退休之際,向員工大派獎金,仲話用呢個方法嚟向所有員工致謝係正確嘅做法。

據BBC報道,David喺1991年創立汽車保險公司Admiral,表示可以同一班咁特別嘅員工一齊工作,感到自豪同幸運。佢更表示,員工嘅辛勞同奉獻令公司從初創企業變成擁有逾1.1萬名員工嘅企業。故此,佢同太太決定向公司7500名員工以及3000名海外員工發放獎金,每位全職員工可得1000英鎊(約1萬港幣),兼職員工都有500英鎊(約5000港幣)。

圖:Twitter@Admiral,網上圖片