PMQ元創方不時都會搞唔同展覽,免費讓市民到場參觀。最近,PMQ元創方就舉辦咗個名為「Re-edit香港設計展現」嘅展覽,展出多位香港新一代設計師或設計單位嘅作品,包括AaaM 建築設計工作室、冼美玉、Julie & Jesse、文智來、和建築、Stickyline、衡建設計、曾首彥、一木工房同蕭俞。呢個作品展嘅作品明年將會帶到米蘭設計週展出,市民可以趁呢個機會先睹為快,展覽由今日起至10月4日,喺PMQ元創方地面廣場舉行,開放時間為上午11點至晚上8點,免費入場。

展覽圍繞「身分」為主題,作品喺唔同層面出發,探討人嘅想法、歸屬、對事物嘅好奇心等等。展覽作品當中就包括型藝術裝置《包山》,由9000個平安包組成一個個山峰,展現出香港嘅傳統風俗,以及不屈不撓嘅精神。

原圖:FB@PMQ 元創方