受到疫情影響,大家都無機會去外地旅遊,不過,香港都有好多值得一遊嘅地方架!登山達人曾志成,因為被疫情打亂計劃,境外登山活動全部取消,但又唔想停落嚟,於是決定舉辦坐帆船遊西貢外島嘅活動。隨住第三波疫情逐漸緩減,佢哋亦打算喺10月重辦呢個團,讓大家感受香港秘境嘅自然之美。

體驗船上生活

呢個帆船體驗團,會由白沙灣碼頭出發,向西貢外島出發。曾志成表示:「我哋呢個團同坊間嘅好唔同,因為我哋將行山路線放咗喺外島,而行山工具就係帆船。」佢哋會乘坐Ma Cherie 2Hunter 38呎高級帆船)登上香港兩個著名外島:火石洲、沙塘口山。團友喺船上並非齋坐,仲可以體驗駕駛帆船出海嘅樂趣,另外,團友仲可以選擇21夜團,「過夜的話,大家會喺船上過一晚,但留意喎,大家係唔可以一齊瞓覺,因為任何時間都要一或二人Stand By,大家輪流當值,咁樣先算真正體驗船上生活。」

一探海蝕洞

行程嘅兩個目的地,火石洲同沙塘口山,都係甕缸群島嘅島嶼之一,2009年,甕缸群島被列香港世界地質公園─甕缸群島景區,絕對值得一遊。其中火石洲係甕缸群島中面積最大嘅一個島,島上最有名嘅就係六角形岩石柱同海蝕洞,這裡最有名嘅係欖灣角洞,又叫「關刀洞」,係東海奇景之一。

另外,火石洲最高點穩氹山,標高174米,山上有座紀念碑,原來係紀念19481221日喺火石洲發生嘅一次奪命空難。行上山唔算辛苦,來回大約一小時,假如覺得太熱,亦可以選擇喺岸邊玩浮潛,感受呢度嘅水有幾清!

假如參加兩日一夜團,就會去埋沙塘口山,沙塘口山又名甕缸洲,位於火石洲以西。沙塘口山嘅景點包括甕缸灣沙灘、合掌崖及沙塘口洞等,大家可以登岸欣賞合掌崖,亦可以由水路探索海蝕拱,感受不一樣嘅香港。有興趣嘅朋友,可以到「登山達人」FB專頁報名。

圖:登山達人提供


乘坐帆船出海遊西貢,又真係夠晒特別喎!

團友喺船上並非齋坐,仲可以體驗駕駛帆船出海嘅樂趣。

西貢一帶出名景色夠靚,坐埋帆船更能感受呢度嘅自然美。


行上火石洲嘅最高點俯瞰四周景色,真係心曠神怡。


火石洲最有名嘅就係六角形岩石柱同海蝕洞。

大家亦可以由水路探索海蝕洞。


置身咁靚嘅環境之下,總算可以暫時忘記疫情啦!


火石洲、沙塘口山位置圖