香港宜家已經無乜地方用緊打字機,不過仲有唔少人鐘意收藏。英國一位23歲嘅藝術家James Cook亦好鐘意打字機,更利用打字機打出一幅幅別具特色嘅景物、人像畫,而佢嘅作品啱啱先喺克斯泰德(Thaxted)嘅市政廳展出完。James仲向荷里活著名影星湯漢斯寄咗一幅用打字機「畫」成嘅湯漢斯畫像,希望可以得到對方回覆。

James由高中開始,就鐘意用打字機嚟做藝術設計,佢擅長用打字機嘅字母、數字同符號「畫畫」。最近佢更喺克斯泰德嘅市政廳舉辦咗首個個人作品免費展覽,展覽一共擺放咗30部打字機,每部都有一幅用打字機完成嘅作品,包括地標、荷里活明星等。新冠肺炎疫情大大影響咗市民嘅生活,James認為今次嘅展覽係一個可以令社群重回畫廊嘅機會。

圖:IG@jamescookartwork