平時搭巴士,都可以用巴士公司推出嘅手機應用程式,check下班車仲有幾耐到。喺不久嘅將來,搭小巴都用到喇!近日,香港電訊獲運輸署批出合約,負責採購、管理、營運及維修專線小巴實時到站資訊系統。有關系統將會涵蓋全港超過600條專線小巴路線,預料可以喺2022年全面投入服務。

香港電訊表示,呢個合約總值6500萬元,系統啟用之後,乘客就可以透過運輸署嘅手機應用程式「香港出行易」,查閱未來三班專線小巴嘅實時到站資訊,方便計劃出行。

香港電訊將會為全港超過600條專線小巴路線,超過160間營運商旗下大約3500架專線小巴,提供及安裝定位設備,偵測實時位置,並發放各路線嘅實時到站資訊,亦會根據合約提供服務熱線解答大眾查詢,並向營運商提供技術支援同系統維修。

原圖:RTHK