新冠肺炎疫情期間,令民眾難以出國旅行,亦令航空公司航班大減。喺泰國,泰航(Thai Airways)最近就將總部嘅咖啡廳改裝成飛機客艙主題餐廳,等客人可以再次感受下搭飛機出國旅遊嘅滋味!

餐廳佈置盡可能還原機艙設計,用到飛機座椅、機艙地毯等等,而餐廳外亦設置咗登機用嘅樓梯同天橋,令客人可以感受埋登機嘅感覺。

呢間餐廳由上週四(10日)開始營業,當日就已經有過百位客人「登機」感受一番。餐廳逢週三至週五、上午7時至下午2時營業,提供即叫即做嘅飛機餐,每日可以賣出大約2000份飛機餐。泰航見呢項服務咁受歡迎,計劃會將其他辦事處都改裝成餐廳,等更多人可以回味去旅行嘅感覺。

原圖:FB@THAI Catering