唔知大家仲記唔記得自己9歲嗰陣做緊乜?印尼一個9歲嘅小朋友,為咗幫補家計,小小年紀就要著住公仔衫娛樂路人賺錢,佢攰到除低頭套坐喺路邊休息嗰樣真係令人好心痛!

有網民喺社交媒體上載咗一條由多張相組合而成嘅短片,入面有一個著住厚厚公仔衫嘅人坐喺角落休息,睇起來好攰。佢除咗頭套之後,先發現原來只係一個男童!網民表示,呢個小朋友叫Rehan,得9歲,由於媽媽嘅工作收入唔穩定,剩係夠交租。為咗幫媽媽分擔,Rehan每日天未光就行成10公里去熱鬧嘅街頭,著公仔衫去娛樂路人,賺取微薄嘅收入,嚟幫補生活費、學費。Rehan好識得吸引路人嘅注意,更加會經常換唔同嘅公仔衫,向路過嘅小朋友手舞足蹈。Rehan雖然無辦法同其他小朋友咁有個無憂無慮嘅童年,每日都好攰但就依然樂觀:

「有錢之後,就可以買飯回家了!能幫媽媽賺生活費,自己也會很開心。」 

圖:IG@rhmadii__