隨住本港新冠肺炎確診人數下降,政府又放寬咗限制令,又再可以四人同台,人少少大家可以去下藝術館陶冶性情。咁啱一新美術館下星期二(15號)開始有個新展覽——《行雲流水:楊孫西的藝術》展覽,主要展出香港著名企業家楊孫西近四十幀書法同近百幅攝影作品,大家放假不妨去參觀一番,仲係免費入場添。

楊孫西10幾歲就跟住屋企人移居香港,其後創辦香江國際集團,喺香港同內地經營紡織及房地產業務。做生意之外,楊孫西仲熱愛藝術,長年研習書法同攝影,尤其擅長楷書、行書。因為要經常外出行商,令楊孫西得以穿梭唔同國家、地區,用鏡頭拍下無數靚相。唔單止咁,佢仲鐘意收藏國畫、油畫、水彩、民間工藝品等唔同藝術品。

今次展覽將會展出楊孫西多幅書法同攝影作品,包括行書、楷書、草書、隸書,涵蓋風景、人物、生活記錄、建築等作品,展期由915號至1121號。展覽開放日期同虛擬導賞等詳情,請留意一新美術館網頁sunmuseum.org.hkfacebook專頁@sunmuseumhk

圖:一新美術館提供