戶外工作嘅工人,礙於工作環境同性質,周不時都會搞到一身汗味或者件衫污糟,引嚟旁人側目甚至嫌棄。有位台灣網民喺捷運度見到一位工人,可能驚自己嘅污糟衫整邋遢座位,自己屈身坐喺一個油漆桶上,令網民頓覺世界充滿愛。

呢位網民喺Facebook群組「爆廢公社公開版」投稿,佢喺捷運車廂見到一位中年男子坐喺油桶上㩒手機,由男子嘅衣著打扮推測佢應該係一位工人。網民認為呢位工人應該係唔想整污糟個座位,先坐喺油桶上:

「今天還真的讓我遇到做工的人,我身上髒,不要髒了座位,屈身坐在油漆桶。」網民仲喺文末加上「職業不分貴賤」、「人人都是用汗水換新臺幣」等標籤。呢個post引嚟唔少網友留言,感謝工人嘅辛勤付出,無佢哋就無宜家咁好嘅居住環境;有網友分享自己或屋企人係工人,入人哋鋪頭前要除鞋嘅經歷;不過亦有人指網民諗太多,可能嗰時咁啱車上無位,工人先坐喺桶。

圖:FB@爆廢公社公開版