新冠肺炎打擊全球經濟,唔少人因此失業,而一啲基層家庭、無宿者嘅生活就更加艱難。有人三餐不繼甚至要去垃圾桶執人哋食剩嘅食物,真係睇見都令人心酸!「無名共行」嘅義工日前就見到有位拾荒伯伯摷垃圾桶搵嘢食,可惜佢當時無帶銀包,無辦法及時幫到伯伯。

由80後女生徐靜雯創辦嘅非牟利團體「無名共行」,主要關注無家者同其他弱勢社群嘅需要,近日有義工喺「無名共行」facebook專頁發文,話自己喺工作途中見到一位執紙皮嘅伯伯,喺垃圾桶入面摷飯盒食。雖然義工當時已經即刻返公司拎銀包,但再返轉頭已經唔見咗伯伯。義工覺得好心酸,文末仲話下次要隨身攜帶飯票喺身。不過好彩義工第二日真係見返個伯伯,仲即時送咗張餐券俾伯伯

圖:FB@無名共行

義工第二日真係見返個伯伯,仲即時送咗張餐券俾伯伯,伯伯收到之後都好開心。