香港新冠肺炎疫情有緩和趨勢,政府今日宣布今個禮拜五(11日)起,會放寬部分防疫措施,包括放寬限聚令至4人、食群限制堂食安排放寬至每檯最多4人,以及重開體育場所、遊戲機中心、遊樂場所、公眾娛樂場所、會址、麻將天九耍樂處所等處所,但有關處所需要遵守附帶嘅防疫要求。

有關處所重開之後,需要保持社交距離至少1.5米或有效分隔,健身中心、遊戲機中心、公眾娛樂場所、體育處所等,每種設施或每個小組唔可以多於4人。

溜冰場只能夠以小組或私人教導,連同教練在內每組唔可以超過4人。博物館嘅人數唔可以超過可容納人數一半,而表演場所內亦唔可以有現場觀眾。

而浴室、派對房間、夜店或夜總會、卡拉OK、泳池、波波池等設施,仍須繼續關閉。當局表又示,除非疫情逆轉,否則將會喺下一階段,陸續有條件重開其他處所。

原圖:RTHK