父母辛苦在外打拼都係想小朋友生活得好啲,唔好以為小朋友太細個唔懂事,其實佢哋有時都會偷偷地製造驚喜俾父母。馬來西亞一個小朋友本嚟諗住用自己儲埋嘅零用錢買壽司慰勞媽媽,點知就唔夠錢,好彩遇到好心老闆幫佢包底,最後小朋友向老闆道謝,開心買走壽司。

馬來西亞一間壽司鋪嘅老闆喺facebook發文話,有個「小胖胖」嚟鋪頭買嘢,嚟之前仲跌親,但就即刻爬起身無哭鬧、好乖。老闆見佢自己一個無大人陪喺身邊,於是問佢幾多個人。小朋友就話得佢自己一個,仲話:「想打包給媽媽吃,媽媽做工好辛苦,我想請她吃」。過咗一陣,壽司整好,埋單要17.15馬來幣(約32港幣),但小朋友嘅銀包入面得16蚊(約30港幣)。老闆見小朋友咁孝順,大方包咗尾數,最後小朋友禮貌道謝之後好開心咁走咗。老闆大讚小朋友又懂事又有禮貌,坦言:「態度很重要,尤其是做人。」

唔少網民紛紛留言大讚老闆同小朋友:「好可愛的弟弟」、「店主好人一生平安」、「好乖的小孩,媽媽一定很幸福」、「懂事的小孩最惹人愛」、「下次小弟弟再來,我請」。

圖:FB@馬克獅