唔少人生暗瘡,都會貪靚自己擠咗佢,不過原來亂咁擠暗瘡,都會帶嚟生命危險!喺浙江寧波市寧海縣,一名19歲姓楊嘅少女,最近就擠咗鼻樑上嘅暗瘡後,右眼附近皮膚出現紅腫、疼痛,幾日後更發高燒燒到攝氏39.7度。楊女去醫院求醫後,確診患上「海綿竇血栓性靜脈炎」,醫生解釋係一種嚴重嘅顱內感染,如果無及時求醫,有機會死亡。

楊女經過抗感染治療之後,病情逐漸穩定。醫生指出,楊女生暗瘡嘅位置屬於面部嘅「危險三角區」,即係由兩邊嘴角再加上鼻根3點連線形成嘅三角形區域,「危險三角區」嘅血管豐富而且無靜脈瓣,一旦發生感染,之後再抓癢、擠壓、挑破、熱敷等,可以令炎症迅速擴散,令膿液同靜脈內含細菌嘅栓子進入顱內海綿竇,引發顱內海綿竇血栓性靜脈炎。

醫生指出,生暗瘡之後應保持面部清潔,讓暗瘡自行痊癒,如果情況嚴重就要去皮膚科求醫。

原圖:搜狐