喺美國,種族歧視多年嚟都係一個非常複雜同敏感嘅議題,最近南加州大學一位教授,講課嘅時候將英文嘅「that」同中文嘅「那個」做對比,用普通話多次重複講「那個」,由於讀音同種族歧視詞彙「nigger」相似,引嚟非裔學生反彈,現時呢位教授需要暫停授課。

外國傳媒報道,南加州大學馬歇爾商學院負責傳訊課程嘅教授Greg Patton,早前用視訊形式授課嘅時候,講解啲人會用一啲填充字去分隔佢哋想講嘅嘢,例如「um」、「er」,佢又提到中國人通常都會用「that」(那個),並多次示範用普通話讀「那個」,結果引致非裔學生不滿。

其後校方發聲明回應事件,指有教師上堂嘅時候使用到一個中文詞彙,喺英文聽起上嚟似種族歧視,校方明白種族主義語言嘅歷史、文化同影響,會搵另一位教授接管課程。

相關影片:https://youtu.be/4M0aD78sw8U

原圖:YouTube@5 Minutes You're Never Getting Back