本港新冠疫情總算有啲減緩,終於唔使日日困喺屋企啦,呢個時候,行山就係最好嘅戶外活動!不過,有啲路線難度比較高,未必適合初哥,有啲路線又萬人空巷,喺疫情期間真係可免則免啦!FB專頁「行山達人」嘅版主就推介下城門水唐,係一條適合新手嘅易行路線。大家不妨趁住假期,好好去呼吸一下新鮮空氣。

人流較少 輕鬆易行

行山達人表示,雖然下城門水塘知名度不及城門水塘,但其實比城門水塘更加方便,可以由大圍站行上去,而且相對較少,唔怕太熱鬧太多人。

下城門水塘位於金山同針山之間,係城門峽嘅下游。由大圍站出發,經積運街同下城門道上山就到。呢條路線全長6.9公里,基本程都係比較易行石屎路,一般4個鐘就行完而且全程林蔭量充足,即使烈日當空都唔怕。不過,當中都有啲路段有大上大落,其中登上城門水塘主壩400級樓梯24層樓高),相信會係好多遊人難忘經歷。

城隧靚景 感覺強烈

而且下城門水塘風景唔會比城門水塘遜色,行山逹人話:「呢度有好多打卡位,當中最吸引嘅就係城門隧道下風景。」位於下城門水塘上游嘅城門隧道行車橋,四周山野嶺形成強烈對比,感覺真係幾特別途中大家仲可選擇行去城門道行車橋底,從另一個角度去睇呢兩條行車橋中間行人鐵橋,更係打卡熱點。

至於下城門水塘主壩,亦係另一靚景,因為呢個主壩長滿草皮,一片綠油油,真係好靚好特別

不過,行山達人都提醒大家:「記要注意帶備足夠嘅水,因為附近基本上冇補給點。」

圖:行山達人FB


呢條路線全長6.9公里,基本上全程都係比較易行嘅石屎路。


途中可以俯瞰下城門水塘靚景。


橋底嘅行人鐵橋,係打卡熱點。

上面就係行車橋,下面係就荒山野嶺,形成強烈對比。


途中會經過一座涼亭。


繼續前行,就見到上城門水塘嘅出水隧道。


城門水塘主壩有近400級樓梯,相信會係好多遊人嘅難忘經歷。