普及社區檢測計劃(全民檢測)今日開始,唔少市民今日都去到檢測中心進行檢測,不過去做檢測之前,原來有幾樣嘢都唔做得,否則就會影響檢測嘅準確性!

一、避免進食。檢測前2個鐘都唔應該進食。

二、避免飲水。檢測前1-2個鐘都唔好飲水,因為飲水有機會沖淡病毒喺喉嚨嘅濃度。

三、避免刷牙或用漱口水漱口。檢測前1-2個鐘都唔好刷牙或用漱口水漱口,因為有可能破壞病毒,影響檢測結果。

四、避免食煙、飲酒、嚼香口膠。檢測前1-2個鐘都唔應該食煙、飲酒、嚼香口膠,因為煙酒同香口膠入面嘅化學物質,會影響上皮細胞,而酒亦會影響病毒濃度,干擾檢測結果。

五、避免洗鼻。檢測前至少1-2個鐘都唔好洗鼻,以免減低病毒濃度,影響檢測結果。

原圖:RTHK