現代都市人手機時刻不離身,無電、無wifi用簡直就係一種折磨!不過美國演員Trevor Donovan就喺社交網站擺咗一張意大利小島相出嚟,話如果有人肯喺入面住30日,就可獲得4萬美金(約港幣31萬)。島上生活期間有被褥、足夠嘅食物同水供應,但就無電、無網絡,唔知大家有無興趣挑戰下呢?

美國演員Trevor Donovan喺Twitter貼出一張意大利一座叫Torre Scola嘅城堡小島圖,呢個小島距離海岸約160km,無電亦無wifi。Trevor問有無人肯喺入面住30日,期間有可遮蓋嘅被褥、書、紙、筆同足夠嘅食物、水提供。而成個住宿會用直播形式傳送到全世界,如果參加者成功堅持30日就可獲得31萬酬勞。

呢個post引嚟網民熱烈討論,有人覺得係筍工,亦有人已經諗到好多唔使用電用wifi嘅活動,例如釣魚、睇書、自學吉他等。不過,亦有網民認為挑戰難度唔算大,更有人指直播一個大叔喺島上日日瞓覺睇書無咩好睇。

圖:Twitter@Trevor Donovan