受新冠肺炎疫情影響,世界各地唔少體育賽事都被迫取消或者改變形式舉行。原定今年12月舉行嘅新加坡渣打馬拉松,主辦方近日亦宣布,會研究以虛擬實景(VR)形式舉行比賽,取代實體賽事。

新加坡傳媒報道,馬拉松主辦方Ironman Group週一(24日)宣布,今年12月舉行嘅馬拉松賽事,會以獨特嘅替代方式舉行,涉及VR技術同物理組件,到時參賽者可實時瀏覽馬拉松路線實景,確保參賽者喺安全地方參加虛擬比賽,猶如置身現場咁同其他選手比賽,享受衝線一刻及拍攝紀念照。

另外,Ironman Group亦表示正計劃推出網上平台,每週為參賽者提供比賽、訓練同挑戰,協助佢哋保持狀態。透過呢個平台,參賽者可以追蹤自己訓練數據,同世界各地嘅參賽者比較,又可以換領獎品。

原圖:搜狐