由於新冠肺炎疫情關係,大家無得去旅行,唯有發掘下香港郊外靚景抖抖氣。抖氣之餘有啲人唔自覺,留低垃圾喺現場,不過亦有唔少行山人士自發清理,兩者形成極大對比。

有將軍澳後花園之稱嘅小夏威夷徑,近日不時有人喺山澗聚集野餐,之後留低大量垃圾。有網民喺Facebook群組「香港行山遠足之友(吹水山谷)」就影到有位熱心山友自發去小夏威夷徑執垃圾,仲見到佢已經上落2次。網民仲擺咗另一張喺同日小夏威夷徑影到嘅相,相入面有成10個人組團一齊行山,仲有人帶隊添,懷疑有人違反2人限聚令。

兩張相形成巨大對比,引来網友留言:「自己垃圾自己帶走」、「某處美景如被公佈,也要感嘆一番」、「好人好事」、「見到此景,那些垃圾人是否會慚愧?」

圖:FB@香港行山遠足之友(吹水山谷)