新冠肺炎疫情持續,醫護人員工作大增,就連前線嘅救護員亦唔例外。不過就有救護員大呻,好多人濫用救護服務,一更變咗14-15個鐘,中間連食飯時間都無,更表示:「咁樣落去我唔係中肺炎死就係做到猝死。」

有救護員喺Facebook專頁「公務員secrets」度投稿指,新冠肺炎之前已經成日忙到食唔到飯,而家直頭做到收唔到工,一更成14-15個鐘。佢更怒轟唔少市民濫用救護車服務,「少少頭暈眼花就叫救護車去醫院」。而喺疫情期間,有市民唔使返工就周圍去玩,結果中暑、受傷又要救護員到場拯救,加重佢哋嘅工作量。網民紛紛留言感激救護員嘅辛勞:「自私人太多,真係抵鬧,真心感激,辛苦晒」,並呼籲:「大家真係幫幫手留在家,不要浪費救命資源」。

圖:消防署網頁