新冠疫情令社會幾乎停頓,唔少人嘅計劃都被打亂,大家嘅心情難免受到影響。但香港體壇近日卻迎來好消息,22香港划艇選手陳至鋒Thomas)喺訓練期間打破Concept 2室內賽艇世界紀錄。佢喺接受圈傳媒訪問時就話,原本無信心達標,但教練堅持佢有呢個能力,結果成績超出預期!所以佢得出兩個結論:一,要目標俾自己二,你要相信教練

性格不服輸

陳至鋒喺728日嘅一節訓練中,30分鐘內划足8772米,打破Concept 2室內賽艇(滑軌)輕量級男子1929歲組別世界紀錄。而呢段時期正係香港疫情最嚴重嘅時候,不但體院再次關閉,而佢亦由728直至86日都無落水訓練,訓練計劃被打亂,但Thomas以平常心去面對:「體院封咗,其實對我都太大影響,因為自己一向都好少出街,平時唔係訓練就係休息。

回憶破紀錄嘅時刻,Thomas表示從來無諗過會破紀錄:「之前教練根據運動員乳酸測試,計算出每位運動員嘅目標,我一睇個目標,覺得可能,教練叫我相信佢,佢覺得我係可以做到,最後真拉到呢個成績!後來發現破咗世界紀錄。」

Thomas得以破紀錄,亦源於佢唔服輸嘅個性:「室內划艇同室外划艇好唔同,室外講求技巧,計算流,講求平衡,臨場應變,唔係一味講死力,而室內划艇就主要體能。」雖然Thomas直言鍾意水上訓練,室內划艇卻非常適合佢嘅性格:「拉划艇機可以睇到自己嘅數字而我自細對划艇數字好執著,因為我自已唔鍾意輸,每次見到個數字有進步,我都好有成功感,即使訓練時我都係咁認真!

以奧運為目標

打破世界紀錄並非Thomas嘅最終目標,佢嘅目標係明年嘅奧運會。可惜4月奧運資格賽因疫情取消,暫時未幾時重開,香港運動員亦重新選拔。陳至鋒參加嘅係輕量級雙人艇,雖然佢喺舊年亞錦賽攞到金牌(與趙顯臻合作),但面對競爭激烈嘅港隊,佢都唔敢輕敵:「我唔俾太大壓力自己,依家最緊要裝備好自已,因為我以往主力參加單人艇,後來因為奧運,先喺2019轉戰雙人艇,所以最大嘅考驗,就係點樣同隊友配合。」

其實Thomas好清楚自己嘅優點同缺點,然而疫情卻令佢未能「對症下藥」,佢表示:「我對自己體能一向好有信心,但技巧方面就無乜信心,所以本來應該要多啲落水划艇,改善技術,但受到疫情影響,無得落水練習。」但樂觀嘅佢,依然積極面對:「依家可以做就係保持體能,保持心理質素,保護自已唔好病,當然都要聽教練指示啦

面對疫境,陳至鋒同好多人一樣,步伐或者被打亂,但佢無選擇怨天尤人,反而冷靜面對,並相信教練嘅專業意見,繼續向目標進發。陳至鋒呢種心態,的確好值得大家學習。

圖:受訪者提供

陳至鋒表示佢目標係奧運會,可惜4月奧運資格賽因疫情取消,打亂咗部署。


陳至鋒表示,拉划艇機可以睇到自己嘅數字,每次見到個數字有進步,都好有成功感。

陳至鋒表示自己較喜歡室外划艇,因為沿途有風景,比較放鬆。


陳至峰舊年亞洲賽贏得輕量級雙人雙槳金牌,非常激動。

受到疫情影響,陳至鋒暫停咗水上訓練,難免對備戰有影響。

陳至鋒自16歲起就入選香港青年隊,其後入選港隊,多年來取得不少佳績。