新冠肺炎重擊全球經濟,本港嘅失業率更創新高,唔少打工仔因為疫情關係失業、無業多月。有個打工仔亦喺疫情期間連續被炒,但佢就無放棄,繼續搵工,終於搵到份比以前更好嘅筍工。

呢個打工仔喺facebook專頁「奴工處」投稿話,因為疫情關係無咗份工,之後雖然再搵到工,但就人工低、假期少兼多嘢做。佢雖然做好自己本分,但就因為唔識擦鞋、埋堆,又被人炒咗。好彩宜家佢都搵到另一份工,人工假期仲好過疫情前嗰份添!呢位打工仔好感恩呢個疫市下仲搵到工,所以佢會更加努力,做好份工。

圖:網上圖片