8月4號發生嘅黎巴嫩大爆炸,震驚全球,事件造成幾千人死傷。災難之中,有位護士依然可以保持冷靜救出3名初生嬰兒,有目擊過程嘅攝影師形容佢好像擁有一種「隱藏力量」咁,大讚佢係女英雄。

據報道,當時嘅魯姆醫院(Al Roum hospital)屬於爆炸重災區,攝影記者Bilal Jawich就影到一位護士冷靜咁救出3名初生嬰兒,Bilal覺得好驚訝,佢嘅冷靜從容,同1米外嘅環境形成好大對比。護士附近有多名死傷者,但呢位護士就好像擁有一種「隱藏力量」(hidden force)咁,令佢保持冷靜去救呢個BB。

呢位護士後嚟憶述,爆炸嗰陣自己喺產房,佢形容自己當時處於昏迷狀態,啱啱恢復意識嗰陣先發現自己抱住3個初生嬰兒。宜家幾個BB已經同媽媽團聚,轉送去其他醫院。

圖:新華社