年薪過百萬可以話係唔少人嘅夢想,湖南有個女仔,一畢業出嚟做嘢就已經有173萬年薪,究竟佢有咩過人之處?

呢位嚟自湖南嘅女仔叫姚婷,啱啱喺武漢華中科技大學電腦系統結構博士畢業,佢參加咗今年華為嘅「天才少年」項目,經過7輪嚴格考核同篩選突圍而出,成功入選「天才少年」,年薪高達156萬人民幣(約173萬港幣)。姚婷喺讀大學嗰陣已經經常參加辯論隊、中英文演講同各種比賽,更擔任外聯部副部長等課外活動。就算係自己唔擅長嘅論文寫作、學術會議、出國學習交流佢都會積極挑戰。喺加入華為之前,姚婷都有收到騰訊、阿里巴巴等公司嘅offer,不過佢認為喺華為更加可以發揮自己讀博士所學嘅嘢。

姚婷話:「外界普遍誤解女博士年紀大、嚴肅無趣、難以接近」,但「其實我們不要太年輕,不要太有活力。」而實際上,好多人都認為女仔唔適合讀理工科,面對呢種職場性別歧視,姚婷選擇做出色嘅工作,通過自身能力說服周邊嘅人,慢慢打破呢種偏見,「其實我本身並不排斥壓力和競爭。」

圖:瀟湘晨報