新冠肺炎疫情爆發以來,唔少專家都指出廁所容易成為病毒嘅溫床,又提醒市民去完廁所沖廁嘅時候,要冚上廁板,避免病毒擴散開去。最近,美國婦產科醫生Jen Gunter喺《紐約時報》撰文分享,表示有研究指出沖涼產生嘅氣流,有機會令微生物隨水珠濺起,喺空中停留1分鐘咁耐,佢呼籲民眾要保持衞生,又分享8個公廁使用貼士:

一、去廁格較多嘅公廁。因為廁格較多或者面積較大嘅公廁,空氣會較為流通。

二、上一手出嚟後等1分鐘先好入去。千祈唔好喺其他人由廁格出嚟之後即刻入去,要等至少1分鐘先好入去,減少接觸空氣中殘留細菌嘅機會。

三、唔好喺廁板鋪廁紙。因為雙手喺鋪廁紙或者丟棄廁紙嘅時候,有機會接觸到廁板上嘅細菌。

四、避免直接用手接觸垃圾桶。如果啲垃圾桶有蓋,掉衞生用品嘅時候,要避免用手直接接觸,佢建議可以用紙巾打開個蓋,掉完垃圾之後立即洗手。

五、冚好廁板後先沖廁。沖廁之前要冚廁所板,避免細菌隨水珠濺起。

六、洗手後唔好用公廁提供嘅紙巾。要應自備紙巾或使用廁所內嘅乾手機。

七、如廁後盡快離開。避免喺廁所停留或者同其他人傾計,增加傳播風險。

八、接觸門柄後要消毒雙手。離開廁所要開門嘅話,之後都要用酒精搓手液消毒雙手。

原圖:RTHK