受到疫情影響,大家都盡量減少同人接觸嘅機會,有乜嘢活動可以一個人靜靜咁做呢?觀星就得啦!每年8月都會出現嘅英仙座流星雨,將於812日及13日達到高峰,而且觀賞地點要係無乜光污染嘅郊區,所以唔怕會多人!喺天氣良好嘅情況下,每小時有機會睇到約2030顆流星,見到流星嘅話,仲可以替受疫情困擾嘅香港許個願添!

時間地點要識揀

根據太空館資料顯示,今年英仙座流星雨建議觀測時間由812日晚上1030分至813日凌晨5時左右,正好係漆黑深夜,睇到流星雨嘅機會更大。坐井會秘書凌子敬先生就表示:「英仙座流星嘅高峰期係812日晚同13日凌晨,為農曆廿三日,所以凌晨1225分月亮先會出嚟,大家可以喺上半夜觀察流星雨。」佢認為,812日晚上9時至12時係唔錯嘅觀賞時間!

除咗時間之外,地點都好重要,由於香港受光污染的影響,喺市區可能成晚都見唔一顆流星!所以大家記住要揀個視野廣闊同埋較黑暗嘅郊區,睇到天空嘅範圍愈大,就愈大機會見到流星,東北方無遮擋嘅地方就更好!

至於觀賞方法,大家可以瞓低,喺遼闊嘅夜空下用肉眼數流星。仲有,記住唔好用望遠鏡,因為望遠鏡視場細小,反而會減少睇到流星嘅機會。

足不出戶也可觀賞

不過根據天文台嘅預測,812日同13日都係「大致多雲,有驟雨及幾陣雷暴」,希望到時天氣會好轉啦!

假如因為天氣或疫情關係,大家想留喺屋企,其實足不出戶都一樣可以觀星。因為台北天文館喺福壽山農場、陽明山架設咗高畫質星空攝影機,畫面將會喺官方YouTube頻道同步直播。

圖:太空館


流星雨以輻射點所在的星座命名,英仙座流星雨的輻射點是在英仙座。


「流星體」係大小約為0.03毫米到1米的天然碎片或石塊,「流星」就係流星體高速進入大氣層而產生的光跡,至於「流星雨」源於地球遇上眾多軌道相近,來源相同的流星體。

太空館指躺下來用肉眼數流星係聰明嘅選擇。


地點方面,太空館建議要選擇遠離光污染嘅地方。