鍾意睇日本漫畫嘅朋友,應該會發現當地小朋友好鍾意玩一種叫劍球(又名劍玉)嘅玩意。近年呢種玩意亦開始喺香港發展,並多咗一班年輕愛好者。有十幾年劍球經驗嘅李浩翔,因為熱愛劍球,喺2017年成立香港花式劍球協會,到學校社區中心教劍球,全力推廣呢項運動,又同與4位年輕好手:阿達、昊臨、王子及周柏俊合組「劍玉兄弟」,仲成為「今生不做機械人」青少年創夢計劃嘅十隊優勝隊伍之一,獲提供2萬元起動基金、半年專業指導同相關協助,佢哋不但設計咗本地劍球牌子「劍玉兄弟」,9月更會開設Pop-up Store,實行將興趣變事業,一步步向夢想進發。