英國衛報報道,一項即將發現嘅研究發現,已故諾貝爾文學獎得主、美國著名作家海明威(Ernest Hemingway)嘅出版著作當中,出現咗幾百個錯誤,但都未曾作出校正。

研究20世紀美國文學嘅著名學者特羅登(Robert Trogdon)早前向衛報透露,海明威嘅長篇小說同短篇故事入面,有多達幾百個錯誤,認為有需要正確呈現海明威手稿的版本。佢又提到,呢啲錯誤主要都係由編輯同排版人員造成,不過無論係幾細微嘅錯誤,錯就係錯。

海明威嘅手稿多數都保存喺位於波士頓嘅甘迺迪總統圖書館暨博物館入面,特羅登就係喺呢度研究海明威手稿,得出呢個結論。舉例來說,1993年出版嘅短篇故事《你永遠不會那樣》(A Way You Never Be)入面,原稿嘅帽(hat)就被寫成球棒(bat)。另外1926年出版嘅小說《太陽依舊升起》(The Sun Also Rises),唔少地方都將原稿L當成S、g當成q,包括鬥牛士拉蘭達(Marcial Lalanda)變成薩蘭達(Marcial Salanda),以及將巴黎嚟Cigogne餐廳寫成Ciqoque,都係因為字跡問題導致出錯。

原圖:FB@Ernest Hemingway