近年香港都出現唔少夾公仔機鋪頭,喺台灣亦已經流行咗一段時間。最近網上流傳一段短片,喺台灣竟然有人將一隻鸚鵡當做獎品,放喺夾仔機入面任人去夾。片段入面可見,鸚鵡對於夾公仔機個爪非常緊張,個爪郁緊佢就走埋角落,個爪一降下,佢就慌忙拍翼飛開,更令人髮指嘅係拍片者見到鸚鵡咁驚,竟然仲喺度笑。

片段引嚟唔少網民憤慨,批評拍片者行為涉及虐待,又憂慮夾公仔機入面無水、無食物,會餓死隻鸚鵡。有網民根據蛛絲馬跡,搵到夾公仔機嘅台主,但對方唔願意透露呢部夾公仔機嘅位置,又話呢隻鸚鵡其實係寵物,無諗過開放俾人做獎品。但網民顯然唔接受呢個解釋,希望警方盡快查清楚事件,將鸚鵡救出。

影片:https://www.facebook.com/da.xiong.7399/videos/3694338317261775/

原圖:FB@ONLY1 鸚鵡抱抱~愛鳥的社團