新冠肺炎打擊全球經濟,本港亦不能倖免,失業率上升,結業潮持續。好彩人間有愛,有位良心業主願意免租俾經營小店嘅羅小姐,而羅小姐亦願意交一半租,大家一齊共度時艱!

羅小姐尋日係Facebook群組「香港免佣租屋網」發帖指,自己係租鋪嘅,呢一年都喺度挨打,但就好好彩,收到業主通知:「我同拍檔談過,免你一個月租」。但其實業主唔係有錢人,且一直都用平過市價(5600蚊)嘅價格嚟租俾羅小姐。而羅小姐亦唔想影響到業主,願意交一半租,等大家都可以捱過呢個難關。

網民留言紛紛大讚業主同羅小姐都好有良心,可以遇到對方都好好彩。不過就有網民表示自己就無咁好彩,遇到願意免租、減租嘅好業主。

圖:大公網