疫情期間,小朋友停課在家抗疫,但就沉迷睇手機唔做功課點算好?馬來西亞一位媽媽就放大招教仔,既然囝囝咁鐘意睇電話,就直接將部電話貼喺囝囝塊面度,等佢哋睇到飽!

呢位媽媽早前喺FB分享影片,話佢嘅3個囝囝功課唔做,覺又唔瞓,淨係睇手機,所以「現在你老媽子就讓你們看個夠!」將3部手機用膠紙分別貼喺囝囝塊面上,最細嘅囝囝笑住話自己仲行到路,兩個哥哥就乖乖企好唔敢郁。其實呢個都係媽媽為咗唔好俾囝囝沉迷手機而互動嘅一個小遊戲,等囝囝可以體驗一下媽媽嘅感受,唔好成日睇手機!

圖:FB@陳春美