覺得眼瞓、攰嘅時候,人好自然就會打喊魯,不過廣州一個23歲男子竟然因為打喊魯,搞到爆肺更出血2公升,究竟係咩一回事?

呢個男子喺上月返夜班嘅時候,覺得有啲眼瞓打咗個喊魯,點知無幾耐就胸口劇痛、呼吸困難,於是即刻去醫院檢查,初步判斷為自發性氣胸(俗稱爆肺)。醫生幫男子做手術嘅時候更發現,佢嘅右側胸腔有大量凝固血塊同鮮紅色血液,估計出血量達2公升,已經超過男子體內總血量嘅一半,好彩及時送院、手術成功,唔係真係好危險!

呼吸與危重症醫學科副主任醫師李曉岩指,自發性氣胸常見於身形高瘦嘅男子,佢哋先天發育異常,肺泡壁比較薄弱,一用力過度就容易破裂形成氣胸,情況多出現喺劇烈運動、搬重物、劇烈咳嗽、閉氣後。

圖:網上圖片