為了防止新冠疫情擴散,政府推出咗唔少新措施,不但令市民生活帶嚟不便,更令義務團體的工作面對更多挑戰,但即使係咁,仍然無限佢哋幫助弱勢社群嘅決心。

 一人探訪 加重負擔

根據「無名共行」創辦人徐靜雯(Kris表示,本港疫情升溫,政府亦收緊咗防疫措施,令佢哋嘅活動限制更多,佢話:「以往我哋通常會由義工一齊去訪露宿者,一來可以攞多啲物資,二來探訪嘅時候,一位可以睇住物資,另一位專責探訪,唔使分心,但依家限聚令收窄至兩個人,兩位義工加一位露宿者已經超過上限所以依家只能一個人探訪。」Kris表示,佢哋嘅應對方法就係用手推車去運送物資,減輕義工嘅負擔。

減少接觸 難了解近況

另外,由於大部分露宿者都無電話,只能夠親身去見佢哋,但為免增加感染風險,探訪逗留時間短逗留5分鐘,放低物資就離開盡量減少接觸,但咁樣就唔容易了解佢哋嘅近況。

而佢哋對於物資嘅安排亦因應疫情而改變,盡量將貯存空間用嚟放置抗疫物資。「特別係依家喺公眾地方強制要戴口罩,所以我哋都會派多啲口罩俾佢哋,另外仲有洗水液,亦會帶乾糧。Kris表示。

不過,佢喺疫情之中亦見到人性嘅光輝:「近期多咗好多有心人捐出物資多咗義工幫手,大家都好關心露宿者嘅情況

圖:無名共行


以往「無名共行」會有至少兩位義工一齊去探訪露宿者。


由於政府收緊咗防疫措施,所以依家只能夠一個人探訪。

依家喺公眾地方強制要戴口罩,所以佢哋都會派多啲口罩俾弱勢社群。


Kris表示,近期多咗好多有心人捐出物資,大家多咗關心露宿者嘅情況。