新冠肺炎疫情下,民眾外出同聚會次數減少,難免感到鬱悶。新藝潮即將舉行一個名為「+VE/-VE」嘅銷售展覽,展出60多幅來自香港40多位藝術家、喺新冠肺炎疫情期間嘅作品,希望喺呢個艱難時刻,同港人同行、分享共同經歷,發放正能量。展覽位於觀塘海濱道165號SML大廈2樓,將於聽日(4日)開始以網上虛擬(VR)形式舉行,而實體展覽就會喺限聚令放寬之後,向公眾開放。

參展嘅藝術家包括第三屆新藝潮博覽大獎得主、香港年輕攝影藝術家Kasper Forest展出《金童玉女》The Ghost City系列作品,以香港多個唔同地標,拍攝一對紙紮情侶,映照出疫情下街上空無一人嘅香港。書法藝術家徐沛之就再以蚊作為題材,創作充滿黑色幽默嘅《陋室之友》系列,以蚊喻人,喺疫情期間,聚會需要遵守限聚令及保持社交距離。

(Kasper Forest《金童玉女》The Ghost City系列,取自新藝潮Facebook。)

(徐沛之《陋室之友》,取自新藝潮Facebook。)

有興趣嘅人士展覽上嘅作品除咗可以嚟觀賞展覽,仲可以買走展品,據為己有,記得留意喇!

新藝潮網頁:https://www.artnextexpo.com/

原圖:FB@Art Next 新藝潮