著名畫家梵高(Vincent van Gogh)最後一幅作品《樹根》(Tree Roots)場照嘅所在場一直以來都係一個謎,但最近「謎底」終於被專家解開,而關鍵證據竟然係一張明信片。

梵高研究所科學主任范德維恩(Wouter van der Veen)早前發現一張1900至1910年代法國瓦茲河畔歐韋村莊一處山坡嘅明信片,山坡上嘅樹根同梵高嘅最後一幅畫作《樹根》非常相似,而呢處距離梵高1890年自殺前居住過70日嘅哈霧客棧(Auberge Ravoux)只有150米。

范德維恩之後將佢嘅發現同位於荷蘭阿姆斯特丹嘅梵高博物館分享,經過一番比較之後,博物館嘅學者范提柏格(Louis van Tilborgh)同米德多爾普(Teio Meedendorp)都認為,明信片中山坡嘅樹根同梵高嘅《樹根》非常相似,相信呢度就係梵高繪畫《樹根》嘅確切地點。

原圖:FB@Van Gogh Museum